Украинаның мектептері мен балабақшаларына көмек

Ғимараттарды жөндеу және бомбапаналарды жабдықтау
БҰҰ-ның бала құқығы туралы конвенциясына сәйкес, әрбір бала тегін бастапқы білім алуға құқылы.

Украинадағы қарулы қақтығыс аймағындағы балалар оқуын қайырымдылық қорларының арқасында жалғастыра алады. Мектептер мен балабақшаларға көрсетілген көмек — болашақ жылдарға, онжылдықтарға қосылған үлес. Мұндай көмек адамдардың жүректерінде мәңгі қалады.

Білім — даму кілті. Ол «адамзаттың бейбітшілік, еркіндік пен әлеуметтік әділдік идеалдарына тырмысуға мүмкіндігі болу үшін міндетті шарт», — деп халықаралық комиссияның «Білім: жасырын қазына» атты тарихи баяндамасында айтылған.
Алғыс хаттар
Чернигов қ. №37 «Сказка» балабақшасынан
Қазақстандық «Еркіндік Періштелері» қайырымдылық қорының директоры Рибалко Е. мен қор еріктілері ұжымына.
Чернигов қ. №74 балабақшасынан
Қазақстандық «Еркіндік Періштелері» қайырымдылық қорына.

Біз көмектескен екі мектеп 2023 жылдың 3 сәуірінде оқу жылында алғаш рет есіктерін ашып, офлайн білім беруді бастады.

Қалпына келтіру аяқталды

Біз көмектескен мектептер мектептер мен балабақшалар
The Team teachable
Чернигов

№6 мектеп

Чернигов қаласындағы №6 мектеп 2022 жылдың наурызында мектеп ауласына түскен зымыран әсерінен зардап шекті. Ғимарат бұзылмаса да, жарылыс толқынынан мектептегі 88 терезе сынып, 36 жылыту батареясы зақымдалды, сонымен қатар, мектеп ғимаратында көптеген бөлшектік зақымдар қалды.

Көрсетілген көмек
Мектеп мемлекеттік қаражат есебінен қалпына келтірілді, ал бомбапана жабдықталуына қазақстандық еріктілер мен бельгиялық донорлар көмектесті. Жөндеу жұмыстарынан бөлек, еріктілер мектеп панасына:
• 260 бүктемелі орындық:
• 80 бүктемелі парта:
• 2 өрт сөндіргіш;
• 3 жылытқыш.
Сондай-ақ маршрутизаторлар, ұзартқыштар мен басқа да жабдықтар сатып алды.


Жөндеу мен жабдықтауға

жұмсалған сома:

$11 160

Чернигов

№13 мектеп

Черниговтағы №13 мектеп – аудандағы үш мектептің бірі. Черниговқа жасалған әуе шабуылдарынан кейін зақымдалды, бірақ бұзылмады. Қазір онда әуе бомбаларының тікелей түсуінен толықтай бұзылған, қалпына келтіруге келмейтін көршілес №18 және №21 мектеп оқушылары да білім алады.

Көрсетілген көмек
Мектептегі жер асты баспанасы мемлекеттік қаражат есебінен жөнделді.

Қазақстан еріктілері мектеп бомбапанасына:
• 60 бүктемелі орындық;
• 30 бүктемелі парта;
• шәйнектер, микротолқынды пештер, термостар;
• басқа да қажетті жабдықтар сатып алды.


Жабдықтауға

жұмсалған сома:

$2193

Чернигов

№37 «Сказка» балабақшасы

Қазір балабақшада 101 бала тәрбие алады, бірақ балабақшада 300 балаға орын жетеді.

Көрсетілген көмек
Жертөлені толыққанды жер асты қорғаныш панасы етіп қайта жабдықтау үшін жөндеу жұмыстары жүргізілді. Едендер соққы мен аязға төзімді тақтамен жабылды, қабырғалар боялды, электр сымдары ауыстырылды, розеткалар мен таратқыш қораптар орналастырылды. Балалардың панада бірнеше сағат бойы жайлы орналасуы үшін толыққанды желдету жүйесі жабдықталды.

Сонымен қатар, пана:
• балаларға арналған орындықтармен — 85 дана;
• көпадамдық ағаш орындықтармен — 10 дана;
• балаларға арналған үстелдермен — 25 дана;
• жарықдиодты шамдармен — 12 дана;
• 10 литрлік термостармен — 12 дана
жабдықталды.


Жөндеу мен жабдықтауға

жұмсалған сома:

$4850

Чернигов

№74 балабақша

Қазір балабақшада 245 бала тәрбие алады. Негізі балабақшада 305 балаға орын жетеді.

Көрсетілген көмек
Қорғаныс панасында еден соққы мен аязға төзімді тақтамен жабылды, сондай-ақ балалардың панда бірнеше сағат бойы жайлы орналасуы үшін толыққанды желдету жүйесі жасалды.

Сонымен қатар қорғаныс панасы:
• балалар орындықтарымен — 30 дана;
• ағаш лавкалармен — 10 дана;
• балалар үстелдерімен — 10 дана
жабдықталды.

Жаңа жыл қарсаңында балабақшадағы бомбапанаға оқу үрдісіне қажетті тағы 10 балалар үстелдері тарту етілді.


Жөндеу мен жабдықтауға

жұмсалған сома:

$6073

The Team teachable
Чернигов

№12 мектеп

№12 Чернигов мектебі 1986 жылы тұрғызылған. Чернигов маңында 2022 жылдың ақпан-наурызында болған әскери әрекеттер кезінде мектептің жабдықталмаған жертөлесінде 360 адам тұрған.

Толық ауқымды басып кіруден кейін алғаш рет күндізгі оқуға мектеп 2023 жылдың 1 қыркүйегінде ашылды. Қазір онда 918 бала білім алады.

Көрсетілген көмек
Мектеп қорғаныс панасына «Еркіндік Періштелері» 200 бүктемелі орындық сатып алды.


Жабдықтауға

жұмсалған сома:

$3100

The Team teachable
Чернигов

№14 «Малятко» балабақшасы

Соғыс жағдайы кезінде балабақшада қарапайым бомбапана жасалынды. Бірақ әуе дабылдары кезінде балаларға ыңғайлы болу үшін жылытқыштар мен жиһаздар сатып алу қажет болды.

Көрсетілген көмек
Бомбапана мыналармен жабдықталды:
• Инфрақызыл жылытқыштары — 2 дана,
• балалар орындықтары — 15 дана,
• балаларға арналған трапеция-үстелдері — 12 дана,
• үш қабатты балалар керуеттері — 3 дана


Жабдықтауға

жұмсалған сома:

$2200

The Team teachable
Чернигов

№65 балабақша

Балабақшада 192 бала білім алуда. Бұл Черниговтағы 2022 жылдың тамызында облыс азат етілгеннен кейін, бүлдіршіндерге есігін ашқан алғашқы балабақша болды, өйткені ол соғыс әрекеттері кезінде зақымданбаған және бюджет қаражаты есебінен тез арада қарапайым бомбапанаға айналдыруға болатын жертөле болды. Бірақ балабақшаның бомбапанасында қалыпты желдету жүйелерінің болмауы, 30 минуттан астам уақытқа созылатын әуе дабылы кезінде балалар үшін айтарлықтай қолайсыздық тудырды.

Көрсетілген көмек
Балабақшаның бомбапанасында желдету жүйелері, тозығы жеткен есіктері ауыстырылып, санузел кабинкалары орнатылды. 10 үстел мен 15 орындық сатып алынды.


Жөндеу мен жабдықтауға

жұмсалған сома:

$5270

Қазақстандық «Еркіндік Періштелері» (Angels of Freedom) қайырымдылық жобасының мақсаты — ұрыс қимылдарынан зардап шеккен Украина мектептері мен балабақшаларына көмек көрсету.

Жоба туралы 9 минуттық шағын фильм қарай аласыздар.

Төменде біз қазіргі таңда көмектесіп жатқан немесе көмек беруді жоспарлап отырған балалар мекемелері көрсетілген.
Документалды шағын фильм

Бізді әртүрлі әдіспен: донат жасау, өз кеңсеңізде/мекемеңізде періштелер салынған бокс немесе шағын шаңырақ орнату, Періштеге ие болу немесе біздің еріктілер тобына қосылу арқылы қолдай аласыз.

Жақын арада көмек көрсету жоспарланған мектептер мен балабақшалар

Чернигов

№53 және №59 балабақшалары

Екі балабақшаға жалпы 450-ден астам бала барады. №59 балабақшасы №53 балабақшаға қарама-қарсы, яғни, жолдың ар жағында орналасқан. Әуе дабылы кезінде барлық балалар №53 балабақша аумағында орналасқан бір жертөле бөлмесіне түседі. Жертөле екі аймаққа бөлінген, ал іс жүзінде балабақшалардың әрқайсысының өз аймағы бар.

Қажетті көмек
Қажет:
• желдету жүйелері
• балаларға арналған санитарлық кабиналарды орнату
• электр сымдары
• орындықтар мен үстелдер


Жөндеу мен жабдықтауға

қажетті сома:

$15 900