«Балаларға білім беру — ел болашағына салынған инвестиция»

— Мен Украинада дүниеге келдім. Мен көп жылдар бойы Доминиканда тұрамын. Мен маркетинг және коммуникация бойынша кеңесшімін. Негізінен B2B секторымен (Business-to-Business) жұмыс істеймін, Украина мен Латын Америкасының заң нарығында үлкен тәжірибем бар. Сондай-ақ саяси коммуникациялармен де айналысамын. Менің клиенттерімнің көпшілігі Латын Америкасы мен АҚШ-та, бірақ мұнымен шектелмеймін, мен басқа елдер үшін де серіктестікке ашықпын. Менің әртүрлі салаларда маркетинг және қоғаммен байланыс бойынша 20 жылға жуық тәжірибем бар. Украина мен Доминикандағы жетекші заң фирмаларында маркетинг және бизнесті дамыту бөлімдерін басқардым. Мен маркетинг және PR агенттіктерінде де жұмыс істедім. Менің дағдарыстық коммуникацияда үлкен тәжірибем бар. Саяси маңызды мәселелер мен үкіметтік қатынастарды қамтитын әртүрлі жобаларды, соның ішінде заң фирмасының клиенттері үшін сот ісін жүргізудің PR жобаларын басқардым. Сондай-ақ саясаткерлердің, партиялардың, ұйымдардың имиджі мен позициясын қалыптастыруға және қоғам қайраткерлерінің беделін арттыруға көмектесемін.

— Мен сонау 2006 жылы туристік индустрияның клиенттерімен украиндық PR-агенттікте жұмыс істегенімде Доминикан Туризм министрлігінің жобасына қатысу мүмкіндігіне ие болдым. Сол кезде маған ел қатты ұнады. Мен 2013 жылы көшу туралы шешім қабылдадым, бұл жақсы идея болып көрінді және бұл шешіміме ешқашан өкінген жоқпын. Мен бірден елдегі жетекші заң фирмасының маркетинг бөлімінің жетекшісі болып жұмыс істей бастадым. Елді басқа қырынан тани бастадым: туризм индустриясынан басқа тау-кен өнеркәсібі, жаңартылатын энергия көздері, құрылыс, ірі инфрақұрылымдық жобалар, банк секторы, еркін сауда аймақтары (zonas francas), ауыл шаруашылығы, киноиндустрия жақсы дамыған - мұнда көптеген голливудтық фильмдер түсіріледі. Және, әрине, туризм секторы керемет, мұнда қазірдің өзінде мыңдаған қонақүй бар және бұл сала қарқын алуда. Ел өте кішкентай, бірақ круиздік лайнерлерді қабылдайтын 8 халықаралық әуежай, 16 теңіз порты және 5 терминал бар.

— Волонтерлік тәжірибем бұрын болған жоқ.

— Қордың қызметі қызықтырғандықтан, волонтер болдым. Менің ойымша, бұл жерде өте маңызды мәселелер шешілуде, өйткені балаларды тәрбиелеу — ел болашағына салынған инвестиция, алайда соғыс жағдайында, көп адамдар мұны бастапқы міндет деп санамайтын сияқты. Қордың әскери операцияларды қаржыландыруға еш қатысы жоқ, тек гуманитарлық жобалармен айналысатыны да мен үшін өте маңызды және бұл оның принципті ұстанымы.

— Анам, ағам отбасымен, көкем отбасымен. Киевте, Одессада, Батыс Украинада достарым өте көп. Украинадан уақытша кетіп, қайта оралғандар бар. Өйткені соғыс ұзаққа созылады деп ешкім ойлаған жоқ.

— Иә, болып жатқан оқиғадан ең көп зардап шегетін балалар. Менің Украинада отбасым бар, екі бауырым мектепте оқиды. Әуе шабуылдары кезінде балалардың бас сауғалайтын жерде ұзақ бола алмайтынын, білім алуды жалғастырата алмайтынын жақсы білемін. Әдетте ондағы жағдай қолайлы емес, сонымен қатар денсаулыққа да зиянын тигізуі мүмкін. Оның үстіне украиндық балалар үшін екі жыл пандемия мен екі жылғы соғысты ескерсек, олар қолайсыз жағдайда төрт жыл бойы оқып жатқанын атап өткен жөн. Баланың өміріндегі төрт жыл — бұл өте ұзақ уақыт. Менің тоғыз жасар қызым бар, ол үшін төрт жыл деген ғұмырының жартысы деген сөз. Әрине, бұл балалардың қалыпты оқуы мен өміріне зиянын тигізбей қоймайды.

— Менің қордағы негізгі қызметім — LinkedIn кәсіби желісінде коммуникацияны дамыту. Жақында басқа жобаларға да қатыстым, мысалы, шетелдік БАҚ-пен байланыс және дағдарысқа қарсы коммуникациялар. Жалпы, мен кез келген коммуникация мәселесіне көмектесуге дайынмын.

— Мен әлемнің басқа жағында, ал қордың бас кеңсесі Қазақстанда болғанына қарамастан, біз қашықтан тиімді жұмыс істеп жатқан сияқтымыз. Маған сондай-ақ командада көптеген керемет мамандар мен тамаша адамдардың болғаны ұнайды. Мен Қазақстанның Украинаға көрсетіп жатқан қолдауына тәнттімін. Елмен жақынырақ танысқым келеді және тағы да басқа көп жобаларға қатысуға дайынмын.

— Мен қазір тәуелсіз кеңесші болғандықтан, өз уақытымды жоспарлай аламын, сондықтан волонтерлік қызметке аптасына бірнеше сағат бөле аламын.

— Доминикандағы волонтерлік қызмет туралы менде көп ақпарат жоқ. Бірақ көп жылдар бойы заңгерлермен жұмыс істегендіктен, мұндағы әрбір заң фирмасында pro bono жобалары бар екенін айта аламын, яғни олар мұқтаж жандарға тегін заңгерлік қолдау көрсетеді. Сондай-ақ ірі компаниялар білім беру, қоршаған ортаны қорғау, мәдениет және тағы басқа бағыттарда әлеуметтік жобаларды жүзеге асырады. Табиғат апаттары кезінде зардап шеккендерге қалай көмектескенін де жиі байқадым. Бұл Кариб теңізі, мұнда климат жұмақтай көрінуі мүмкін, бірақ бізде жыл сайынғы дауыл маусымы бар немесе өте қатты нөсер жауады, су тасқыны жиі болады. Мен жұмыс істеген компанияларда біз әдетте зардап шеккендерге осындай қолдау көрсеттік. Сондай-ақ қызым оқитын мектепте үнемі азық-түлік пен ойыншықтар жинайды. Осылайша балаларды жастайынан осындай жобаларға тартады.

— Иә, бұл туралы талқыладық. Ол украин балабақшаларына ойыншық сыйласам бола ма деп сұрады. Мен мұны логистикалық тұрғыда қалай ұйымдастыруға болатынын ойластырудамын. Ол ешқашан Украинада болмаған, алдымен пандемия, содан кейін соғыс болғандықтан, бара алмадық. Ол үнемі соғыс қашан аяқталады деп сұрайды.

— Менің ойымша, бұл өте маңызды. Маған мектептердің донат жинағаны немесе қайырымдылық жобаларына қатысуы өте ұнайды. Балалар әдетте өте белсенді болады және жиі өте жақсы идеялар ұсынады.

— Менің жағдайды қабылдауыма жеке аспектілер көбірек әсер етеді, өйткені менің отбасым және көптеген достарым Украинада. Кәсіби тұрғыдан алғанда, екі жақтан да әскери үгіт-насихат, фейк көп екенін түсінемін. Сондықтан таралып жатқан ақпаратқа қатты сын көзбен қараймын. Әрине, «кәсіби деформация» бар: мен жағдайды коммуникация, әсіресе саясаткерлердің мәлімдемелері тұрғысынан талдамай тұра алмаймын.

— Негізінде, менің клиенттерім Латын Америкасы елдерінде, сондықтан аса бірдеңе өзгерді деп айта алмаймын. Бірақ Украинаның заң нарығынан бірнеше клиент бар, және, әрине, маркетингте біз Украина нарығының жұмыс істейтін шарттарын ескеруіміз керек. Әзірше қашықтықтан кеңес беріп жатырмын, Украина халқы бұған бұрыннан үйреніп қалған.

— Мен соғысты қолдайтын адамдарды кездестірген жоқпын. Қалай болғанда да, бұл туралы маған ешкім тікелей айтқан жоқ.

— Жұмысымыздың нәтижесін көргенде, мектепте немесе балабақшада бас сауғалайтын орын жабдықталғанда, әсіресе ол балалардың денсаулығы үшін маңызды нәрсе болса, мысалы, желдеткіш орнатылса, бұл үлкен мотивация береді. Балалардың қорға жолдайтын алғыс бейнематериалдары мен суреттеріне де қуана зер саламын.

— Ешқашан күмәнім болған жоқ. Мен әрбір еріктінің үлесі маңызды екенін түсінемін, әрбір донат сияқты, тіпті аз көлемде болсын. Біздің күшіміз бірлікте!

— «Еркіндік Періштелері» — бұл украиндық балалардың болашағына деген мейірімділік пен қамқорлық.